Ստորև ներկայացված են տուրօպերատորի հիմնական բաժինները՝
Վիզաների բաժին, սերտ համագործակցելով հյուպատոսությունների և դեսպանատների հյուպատոսական գերատեսչությունների հետ, մատուցում է ծառայություններ ՝ կապված առանձին պետությունների կամ գոտիների վիզաների բացման հետ:
Տուրերի պլանավորման և ձևավորման բաժին կազմակերպում է շրջագայություններ ՝ սկսած դրանց նախագծումից, կապ է հաստատում փոխադրողների (օդային և այլ ընկերությունների) հետ, ընդունող կողմի հետ (հյուրանոցներ և տուրիստական գործակալություններ), կազմում ապագա շրջագայության հաշվարկը, պայմանագրեր է կնքում ծառայություն մատուցող կազմակերպությունների հետ (փոխադրողներ, հյուրանոցներ , տուրիստական գործակալություններ), զբաղվում է տուրից հետո աձաջացած հաշիվների մարումով։
Ներգնա (incoming) բաժինը զբաղվում է ներքին տուրիզմով, այսինքն արտերկրից ժամանող զբոսաշրջիկների ընդունելության կազմակերպմաբ, կարող են տրամադրել ինչպես ամբողջական տուր փաթեթ, այնպես էլ և առաձին ծառայություններ՝ հյուրանոցային սենյակներ, սնունդ, էքսկուրսիոն ծառայություններ, տրանսպորտային ծառայություններ:
Վաճառքի բաժինը զբաղվում է այլ ընկերությունների կամ սեփական տուրերի վաճառքով, երկաթուղային, միջազգային ավտոբուսային, ավիատոմսերի վաճառքով, ինչպես նաև գրասենյակ դիմած զբոսաշրջիկների սպասարկմամբ։
Էքսկուրսիոն բաժինը զբաղվում է զբոսաշրջային երթուղիների մշակմամբ, գիդերի և գիդ-թարգմանիչների վերպատրաստմամբ, վերահսկում է տուրի ընթացքում մատուցվող ծառայությունների որակը։
Արտագնա (outgoing) բաժինը զբաղվում է արտասահման մեկնող տուրիստների տուրերի ամրագրմամբ, վերահսկում ծառայությունների որակը ամբողջ տուրի ժամանակ՝ կապ պահպանելով թե՛ տուրիստի, թե՛ արտասահմանյան կազմակերպությունների հետ՝ հյուրանոց, տրանսպորտային ընկերություն, տեղի տուրիստական գործակալություն, գիդ և այլն։
Գովազդի և մարկետինգի բաժին զբաղվում է ընկերության PR-ով՝ ինտերնետային կայքերի, ԶԼՄ-ների միջոցով, վարում է ընկերության սոցիալական հարթակների էջերը (SMM), պատասխանատու է ընկերության կայքում տեղադրվող ինֆորմացիայի համար, զբաղվում է ընկերության ծառայությունների գովազդով, կազմակերպում է ընկերության մասնակցությունը տարբեր տուրիստական տոնավաճառներին։
Մարդկային ռեսուրսների բաժին իրականացնում է աշխատողների ընդունելությունը և աշխատանքից ազատումը, նրանց մասնագիտական վերապատրաստումը, վերահսկում է կարիերայի աճը, արտացոլում է բոլոր պաշտոնական գործողությունները համապատասխան փաստաթղթերում:
Հաշվապահական բաժինը զբաղվում է կազմակերպության ֆինանսներով, հարկերի և աշխատավարձերի վճարմամբ։
Անժելա Շամոյան 