Հանրային սնունդը զբոսաշրջության մեջ

Ի՞նչ է հանրային սնունդը

Հանրային սնունդը տնտեսության ճյուղ է, որն իրենից ներկայացնում է խոհարարական արտադրանքի արտադրմամբ, իրացմամբ և սպառման կազմակերպմամբ զբաղվող ձեռնարկությունների ամբողջություն:

Հանրային սնունդը զբոսաշրջության կարևորագույն բաղկացուցիչն է։ Զբոսաշրջիկի սնվելու ֆիզիոլոգիական կարիքը բավարարվում է հանրային սննդի ձեռնարկությունների կողմից: Այդ ձեռնարկությունները շատ բազմազան են: Տուրիստական սննդի ոլորտը ներառում է այնպիսի հանրային սննդի ձեռնարկություններ, ինչպիսիք են ռեստորանները, սրճարանները, բարերը, ճաշարանները, խորտկարանները և այլն: Սննդի օբյեկտները դասակարգվում են ըստ իրենց սպասարկման որակի, խոհանոցի և առաջարկվող ուտեստների տեսակի, ըստ տեղերի քանակ, աշխատանքային ժամերի և այլն: