Զբոսաշրջությունը, որպես ծառայությունների ոլորտի ճյուղ, ուրույն
բնագավառ է և ունի մի շարք առանձնահատկություններ, որոնք պայմա-
նավորված են ինչպես այս ոլորտում կատարվող աշխատանքների, այն-
պես էլ զբոսաշրջության ինդուստրիայի առանձնահատկություններով:
«Ծառայություն» հասկացությունն ունի բազմակողմանի նշանակություն, այն ոչ նյութա-
կան է և չի պահպանվում, ծառայությունը չի չափվում, այն կարելի է միայն գնահատել:
Զբոսաշրջային օպերատորը տնտեսվարող սուբյեկտ է, որը մշակում
է զբոսաշրջային երթուղիներ, ապահովում դրանց գործունեությունը,
կազմակերպում գովազդ, սահմանում գները: Այսինքն՝ զբոսաշրջային
օպերատորը ձեռք է բերում զբոսաշրջային ծառայություն կատարելու հա-
մար անհրաժեշտ ռեսուրսներ (տեղեր ինքնաթիռում, համարներ հյուրա-
նոցներում և այլ ծառայություններ), ձևավորում է զբոսաշրջության փա-
թեթ (մի շարք զբոսաշրջային ծառայությունների ամբողջություն) և իրաց-
նում դրանք՝ շահույթի ստացման նպատակով:
Համաշխարհային պրակտիկայում առանձնացվում են զբոսաշրջային
օպերատորների չորս տարախումբ.
զանգվածային շուկայի
մասնագիտացված շուկայի
տեղական շուկայի
մուտքային շուկայի
Զանգվածային շուկայի զբոսաշրջային օպերատորներն ավելի շատ
են, քանի որ նրանք վաճառում են առավել հանրաճանաչ հանգստավայ-
րերի զբոսաշրջային փաթեթներ: Երկրորդ տարախումբն ընդգրկում է
այն զբոսաշրջային օպերատորներին, որոնք մասնագիտանում են որո-
շակի ուղղությամբ. կազմակերպում են համապատասխան ուղղվածու-
թյան զբոսաշրջային փաթեթ (օրինակ՝ Ֆրանսիա, Իտալիա և այլն), զբոսաշրջիկներին տեղափոխում որոշակի տրանսպորտային միջոցներով և առաջարկում յուրահատուկ տուրեր (լեռնային, որսորդական զբոսաշրջություն և այլն): Տեղական շուկայի զբոսաշրջային օպերատորները ներքին շուկայի օպերատորներ են, այսինքն՝ կազմակերպում են տուրեր տվյալ երկրի սահմաններում: Մուտքային զբոսաշրջության օպերատորներն աշխատում են արտաքին շուկաներում, այսինքն՝ զբոսաշրջային
փաթեթները վաճառում են տարբեր երկրների։
Զբոսաշրջային գործակալը նույնպես տնտեսվարող սուբյեկտ է, որը ձեռք է բերում զբո-
սաշրջային օպերատորի կողմից մշակված զբոսաշրջային տուրերը, դրանց հիման վրա թողարկում է ուղեգրեր և դրանք իրացնում զբոսաշրջիկների շրջանում:
Զբոսաշրջությունը սպառողի տնտեսական իրավիճակով պայմանա-
վորված մարդկային գործունեության տարատեսակ է, որը տնտեսական
մեծ ազդեցություն է գործում ազգերի և տարածաշրջանների զարգաց-
ման մակարդակի վրա:
Անժելա Շամոյան 